Ferðamálasamtök Vestfjarða hafa gefið út vegleg göngu- og útivistarkort fyrir Vestfirði og Dali. Þetta eru sjö kort þar sem er að finna um 300 leiðarlýsingar um svæðin. Kortin eru afar skýr og auðveld í notkun, með gps-punktum og öðrum grunnupplýsingum sem eru ómissandi fyrir þá sem leggja upp í göngur og hestaferðir um svæðið.

Göngukort Ferðamálasamtaka Vestfjarða mun vera hægt að nálgast á öllum helstu ferðamannastöðum á Vestfjörðum og í Dalasýslu eru einnig fáanleg í vefverslun Strandagaldurs og eru send þaðan samdægurs hvert á land sem er og um veröld alla.