|
Júní 2010 |
6.
sun. |
Sjómannadagskaffi og Hreiðurganga
Sauðfjársetrið býður upp á veglegt kaffihlaðborð
í Sævangi í tilefni sjómannadagsins. Hlaðborðið hefst kl. 14:00 og
stendur til kl. 18:00. Sama dag verður boðið upp á stórskemmtilega
gönguferð um Orrustutanga þar sem merkt verða æðarhreiður og lífríki
fjörunnar skoðað undir styrkri stjórn Jóns Jónssonar á Kirkjubóli. |
17.
fim. |
Þjóðhátíðarhlaðborð í Kaffi Kind
Sauðfjársetur á Ströndum býður upp á þjóðlegt kaffihlaðborð í
tilefni þjóðhátíðardags Íslendinga. Hlaðborðið hefst kl. 14:00
og stendur til 18:00. Fáninn blaktir í sólskininu. |
17.
fim. |
Kaffi-Quiz í Kaffi Kind í tilefni af 17. júní
Léttur og skemmtilegur spurningaleikur í anda
Pub-quiz keppnanna. Hlaðborð á boðstólum og vegleg verðlaun fyrir
sigurlið Kaffikvissins. -Quizins. Hefst kl. 20:00. Ekki sleppa þessum
skemmtilega atburði! |
27.
sun. |
Fjörudagur og sjávarréttasúpa
Fjörudagur í samvinnu ferðaþjónustunnar Kirkjubóls og
Sauðfjársetursins. Sannkallaður fjölskyldudagur þar sem litríkt lífríki
Kirkjubólsfjöru er skoðað, kellingum fleytt, farið í skeljatínslukeppni
og flöskuskeyti hent í sjóinn við hátíðlega athöfn. Rjúkandi fersk
sjávarréttasúpa í boði í Kaffi Kind frá kl. 13:00. |
|
Júlí 2010 |
4.
sun. |
Furðuleikar á Ströndum
- stórhátíð -
Frábær íþróttahátíð fyrir alla fjölskylduna í Sævangi þar sem fólk
skemmtir sér saman og spreytir sig á ýmsum furðugreinum. Klassískar keppnisgreinar eru
t.d. öskur, kvennahlaup, girðingarstaurakast og
trjónufótbolti. Fjörið hefst kl. 13:00. Veglegt kaffihlaðborð
í Kaffi Kind í Sævangi frá kl. 13:00-18:00. |
|
Ágúst 2010 |
7.
lau. |
Dráttarvélahátíð og töðugjöld
Ökuleikni á fornri dráttarvél í aðalhlutverki, en auk
þess vélasýning og önnur skemmtilegheit. Keppnin hefst kl. 14:00, skráning á staðnum. Kaffihlaðborð í
Kaffi Kind frá 14:00-18:00.
|
|
14.
lau.
|
Íslandsmeistaramót í hrútadómum
- stórhátíð -
Íslandsmeistaramót í hrútadómum við
Sævang. Vanir og óvanir hrútaþuklarar spreyta sig á að raða
vænum Strandahrútum í rétta röð eftir gæðum og sigurvegararnir
fá vegleg verðlaun. Ýmis skemmtiatriði og óstjórnlegt fjör.
Hefst kl. 14:00, kaffihlaðborð í Kaffi Kind frá
14:00-18:00.
|
|
14.
lau.
|
Stórdansleikur með Geirmundi Valtýssyni
- stórhátíð -
Hljómsveit Geirmundar Valtýssonar heldur
uppi stuðinu fram á rauða ágústnótt á sannkölluðum stórdansleik
í félagsheimilinu á Hólmavík. Kjötsúpa á kantinum, dans og fjör.
Hefst k. 23:00 og stendur yfir til 03:00.
|
