.

.

.

.

.

.

.

.

.

.

Þoka frá Smyrlabjörgum
- Til baka í frægðarhornið -

Á Smyrlabjörgum í Suðursveit er rekið myndarfjárbú. Þar kom í heiminn árið 1950 grá gimbur sem gefið var nafnið Þoka. Sjálfsagt hefur fáa órað fyrir því að þarna væri á ferðinni kind sem átti eftir að hafa gríðarleg áhrif á fjárrækt í landinu.

Þoka var gæðakind, með eindæmum frjósöm og varð nokkrum sinnum þrílembd. Einn sonur hennar, sem nefndur var Tossi, var seldur að bænum Borgarhöfn. Þar jókst frjósemi ánna svo um munaði og dætur Tossa voru oftar en ekki þrí- eða fjórlembdar.

Gríðarleg fjölgun varð síðan á þessum stofni þegar dætur hrútsins Anga komu til sögunnar. Angi var dótturdótturdótturdóttursonur Þoku.

Angi var lengi notaður og eignaðist stóran hóp ofur­frjósamra kinda. Þessum einstæða eiginleika Þoku og afkomenda hennar hefur verið dreift um allt landið með sæðingum og einnig til annarra landa.

Félag áhugamanna um Sauðfjársetur á Ströndum - saudfjarsetur@strandir.is
© 2002 Sögusmiðjan - Síðan var síðast uppfærð febrúar 2008