.

.

.

.

.

.

.

.

.

.

Þjóðtrú um fjármörk
- Til baka í vor- og sumarverkahornið -

Þrettán rifur ofan í hvatt ...

Skrattinn sjálfur er sagður eiga fjármarkið þrífrifað í þrístýft og þrettán rifur ofan í hvatt. Þetta er sannkallað soramark, en það voru þau mörk kölluð sem fóru illa með eyrun. Þau voru helst notuð af bændum sem keyptu mikið af fé og mörkuðu það upp með öðrum stærri mörkum.

Af soramörkunum var afeyrt sýnu versta markið, þá voru eyrun skorin af við hlust. Þetta mark var sagt eign biskupsstólanna. Það var líka stundum kallað þjófamark, sennilega vegna þess að þetta hefur verið einfaldasta leiðin fyrir sauðaþjófana til að fjarlægja sönnunargögnin um eignarhaldið.

Þjóðtrú um fjármörk

Ekki mega menn leyfa börnum að éta mörk af kindarhausum eða borða þau sjálfir. Mikið liggur við að fleygja þeim heldur. Fullvíst er talið í íslensku þjóðtrúnni að sá sem éti fjármark verði sauðaþjófur.

Félag áhugamanna um Sauðfjársetur á Ströndum - saudfjarsetur@strandir.is
© 2002 Sögusmiðjan - Síðan var síðast uppfærð febrúar 2008