Sauðfjársetur á Ströndum, Furðuleikar, skítkast, öskur

Sauðfjársetur á Ströndum - Sævangi - 510 Hólmavík - Sími: 451-3324 / 661-2009 - Mail: saudfjarsetur@strandir.is

Furðuleikarnir 2006

Furðuleikarnir 2006 fóru fram við hinar ákjósanlegustu aðstæður, en veðurguðirnir voru svo miskunnsamir að láta hanga þurrt meðan á leikunum stóð - geysilega fjörugar skúrir höfðu verið ráðandi fram að Furðuleikum helgina sem þeir fóru fram (svona þegar sólin skein ekki). Yfir 200 manns létu sjá sig í Sævangi þennan dag og fólk skemmti sér hið besta í ýmsum furðuleikjum. Ingimundur Pálsson var með myndavélina við hendina á leikunum.

Hliðvörðurinn Hamingju-Hrólfur tók við starfinu á Furðuleikunum 2006.

Leikarnir hefjast jafnan á sýningargreininni trjónufótbolta. Þarna eru Matthías Lýðsson, Bergsveinn Reynisson(?), Jón Jónsson og Lýður Jónsson að kljást um boltann.

Girðingarstaurakastið var næst á dagskránni.

Aðalsteinn Valdimarsson á Strandseljum á fullu í tilhlaupinu.

Jón Jónsson á Kirkjubóli kastar staurnum við mikla kæti áhorfenda.

Ruslatínslan vakti mikla lukku, en þótti heldur auðveld - fyrir suma alla vega.

Vilhjálmur Jakob Jónsson og Magnús Einarsson keppa til úrslita í belgjahoppi.

Keppnin í kvennahlaupi var óvenju hörð þetta árið.

Dramatískt augnablik í kvennahlaupinu - Sverrir fellur með Salbjörgu og sigurinn (og Salbjörg) rennur honum úr greipum.

Skítkastið að hefjast - búið að bleyta upp í skítnum.

Lýður Jónsson frá Einfætingsgili var hið óheppna skotmark að þessu sinni.