Handverks- og minjagripabúð Sauðfjársetursins

Í Sauðfjársetrinu í Sævangi er að finna sölubúð með einstöku handverki, minjagripum og ýmsum varningi. Búðin er, eins og Kaffi Kind og sýningin Sauðfé í sögu þjóðar, opin frá kl. 12:00-18:00 alla daga yfir sumarið, en yfir vetrartímann er hægt að fá hana opna með því að hringja í síma 661-2009 eða senda tölvupóst í netfangið saudfjarsetur@strandir.is.

Í handverksbúðinni er meðal annars að finna vörur sem eru sérstaklega unnar fyrir Sauðfjársetrið. Þar ber helst að nefna frábært handverk frá minjagripa- og handverksfyrirtækinu Þúfu á Hólmavík, en það sérhæfir sig í gerð muna fyrir söfn, m.a. fyrir Ósvör við Bolungarvík og Sauðfjársetrið. Einnig er handverk heimamanna í öndvegi auk valinna vörutegunda sem keyptar eru af fólki víðsvegar um landið.

Sauðfjársetrið hefur einnig nýverið hafið framleiðslu á eigin vörulínu sem eru bolir með skemmti-legum áletrunum. Stefnt er að því að bæta a.m.k. einum bol í þá flóru á hverju ári.

Hér á vefnum verður hægt að panta bolina okkar innan skamms!
 

+++

Sauðfjársetur á Ströndum ses. - saudfjarsetur@strandir.is
© 2007 Sauðfjársetur á Ströndum