Þróunarsetrið á Hólmavík og Arnkatla 2008 kynna:

Stefnumót á Ströndum er glæsileg atvinnu- og menningarsýning þar sem Strandamenn koma saman og sýna við hvað þeir sýsla dagsdaglega. 60 aðilar á Ströndum taka þátt í sýningunni. Forseti Íslands, Hr. Ólafur Ragnar Grímsson er verndari sýningarinnar og mun setja hana klukkan 14:00. Eftir það verður hægt að skoða og kynnast fjölbreyttu atvinnu- og menningarlífi á Ströndum.

Allir sem bera einhverjar taugar til Stranda eða Strandamanna eru hvattir til að láta sjá sig og taka þátt í fjörugri helgi þar sem heimamenn sína allt það besta sem þeir hafa upp á að bjóða.

Strandamenn allt sunnan úr Hrútafirði, yfir í Djúp og norður í Ófeigsfjörð verða á svæðinu á opnunardaginn og kynna starfsemi sina.

Sýningin Stefnumót á Ströndum verður opin fram til 15. september. Þráðurinn verður svo tekinn upp að nýju næsta sumar.

Dagskrá

10:00
Strandamenn hlaupa til móts við íbúa úr Reykhólahreppi um Arnkötludalsveg þar sem þeir mætast á miðri leið með vinakveðju til hvor annarra. Við opnun vegarins í haust þá opnast ný tækifæri til að efla tengsl og samstarf milli íbúa á þessum tveimur svæðum.        

13:00 - 18:00
Opnun sýningar.

Fjórir ættliðir Strandamanna reisa vörðu til framtíðar meðan á sýningu stendur,

Sverrir Guðbrandsson, Guðbrandur Sverrisson, Sverrir Guðbrandsson og Jakob Ingi Sverrisson.  Allir þeir sem koma að sýningunni leggja stein í vörðuna úr ,,sinni sveit“. 

Ljósmyndasýningin NV Vestfirðir eftir Ágúst G. Atlason opnuð á áhorfendapöllum félagsheimilisins. 

14:00
Hátíðardagskrá

Tónskólinn á Hólmavík flytur tónlistaratriði.
 Forseti Íslands, herra Ólafur Ragnar Grímsson verndari sýningarinnar, flytur hátíðarávarp. Systurnar á Melum í Trékyllisvík flytja söngatriði.
Sjávarútvegs- og landbúnaðarráðherra, Jón Bjarnason, flytur ávarp.
 Ása Ketilsdóttir, Laugalandi, kveður lausavísur.
Galdramaður á Ströndum les vinakveðju úr Reykhólasveit.
 Bjarni Ómar flytur frumsamda tónlist.

16:00 - 18:00
Hólmadrangur býður sýningargestum í heimsókn.

18:00
Café Riis opnar húsið fyrir veislu kvöldsins.

19:15
Veisluhlaðborð:  Lambalæri, humar, reyktur lax og fleiri glæsilegir réttir. Bjarni Ómar spilar undir borðhaldi og frameftir kvöldi.  Borðapantanir í síma 616 9770.

 
Stefnumót á Ströndum, atvinnu- og menningarsýning er opin til 15. september.